Bade aasan shabdon me   :- Rahi

Bade Aasan Shabdon Me Bayan Karta Hu Mai Dil Ko

Samajh Aaye To Bata Dena Mere Dil Ka Fasana Hai

Bahut Najuk Hai Shabdon Ke Tir Dil Se Chalte Hai

Tere Dil Ko Jo Chu Jaye Mukammal Ye Tarana Hai

Kabhi Yaden Hai Teri Kabhi Teri Wo Pyaar Ki Baten

Tere Har Lafz Se Banta Mera Ye Ek Afasana Hai 

Mere Dil Ki Hai Khwaish Tu Mera Arman-E-Dil Tu Hai

Tere Dil Me Mai Rehta Hu Mera Dil Tera Thikana Hai

Tere Shabnami Hoton Se Nikle Naam Jo Mera

Ye Sar Jhukta Hai Tere Aagy Falak Ko Bhi Jhukana Hai

Nahi Hai Koi Khwaish Ab Jara Tujhko Jo Paya Hu

Tere In Gesuon Ki Chanv  Me Jivan Bitana Hai

Tere Hi Naam Likhta Hu Mai Apni Shayri, Gazhalen

Khuda Bhi Padh Ke Inko Ho Gaya Tera Diwanaa Hai 

: Rahul soni “Rahi”