-->

Meri muskaaaaaannn  :- Rahi

Chanchal Si , Matwali Si
Thodi Bholi Bhali Si
Meri Muskaaaannnn.........

Nadan Anjani Si Thodi Pehchani Si
Kabhi Kabhi Deewani Si
Meri Muskaaaannnn.........

Kabhi Machal Ke Idhar Bikharti
Kabhi Uchal Ke Udhar Machalti
Kabhi Jo Girti Sambhal Sambhal Ke
Kabhi Sharam Se Jara Bahakti
Mere Rishton Ki Hai Shaaaaan
Meri Muskaaaannnn.........

Subah Subah Jab Uth Kar Aaye
Papa Ke Gale Pad Jaye
Sham Hoty Se Hi Usko
Apne Friends Ki Yaad Sataye
Har Khushi Ki Jo Pehchan
Meri Muskaaaannnn.........

Kabhi Agar Wo Dukhi Ho
Lage Ki Jaise Shaam Ruki Ho
Jachta Nahi Aansu Chehre Par
Hansi Par Jaise Jaan Basi Ho
Rahe Wo Har Gam Se Anjaan
Meri Muskaaaannnn.........

 : Rahul soni “Rahi”

Sagar hai, sukhe nahi milty   :- Rahi

Kya Khub Kahtey Ho Mere Aansu Nahi Girty
Meri Aankhon Me Dekh Lo,Sagar Hai,Sukhe Nahi Milty

Wo Bakhubi Se Kahty Hai ,Bhut Ham Muskuraty Hai
Kaise Ye Batain Unhen,Ke Ham Aansu Chupaty Hai

Kiye Roshan Diwaron Ko,Apne Dil Ke Charagon Se
Ujalon Ke Liye Ham Aaj,Apna Khun Jalaty Hai

Aaj Ragon Me Meri Khun Ke,Katrey Nahi Milty
Meri Aankhon Me Dekh Lo ................

Ujda Chaman Mera,Jise Sajaya Tha Pyaar Se
Tute Wo Sapne, Jo Udtey The Dil Ke Taar Se

Aaj Tanhaiyan Hai Sathme ,Patjhad Ke Mousam Hai
Aaj Firty Hai Dar-Badar Ham Hue Bejaar Se

Raah Me "Raahi" Kahin Apne Nahi Milty
Meri Aankhon Me Dekh Lo ................

: Rahul soni “Rahi”

Darr lagta hai   :- Rahi

Darr Lagta Hai Tujhse Dur Jane Se
Darr Lagta Hai Tere Aansu Bahane Se

Darta Hu Mai Tujhe Apni Yaad Dilane Se
Darr Lagta Hai Teri Neenden Churane Se

Kahin Aaisa Na Ho Jaye Tu Ban Jaye Diwani
Kabhi Na Kar Khata Aisi Ke Ho Jaye Tu Begani

Darr Lagta Hai Tujhe Apna Banane Se
Darr Lagta Hai Teri Neenden............!

Kabhi Jo Aankh Me Teri Ye Aansu Nikal Jaye
Bhula Dun Gam Tere Sare Bas Tu Muskura Jaye

Darr Lagta Hai Mujhe Teri Aankhon Me Aane Se
Darr Lagta Hai Teri Neenden ............!

: Rahul soni “Rahi”

Battiyan bujha do   :- Rahi

Roshani Bujha Do, Andheron Me Mahfil Saja Do  

Wo Aa Raha ! Hai Koi Dil Ka Saaj Gunguna Do

Hai Bada Matlabi, Matlab Se Aata Hai

Thoda Naadaan Use Thoda Ishktaari Bana Do

Bade Ajeeb Dhang Se Likh Rahe Hai Mohhabbat Ki Dastan

Ishq Ke Kisson Me Uske Shabd Zama Do

Hai Maasum Sa Chehra Aankhen Farebi Hai

Uski Aankhon Ka Sara Maykada Pila Do

Badi Hi Garmjoshi Uske Har Ek Aalingan Me

Use Bahon Me Bharne Ki Meri Har Pyaas Bujha Do

Ab Na Koi Diwaar Ho  Na Shikayten Ho Darmiyaan

Do Jism Ke Bich Se Diwaar Hata Do

Bahut Rasile Aur Shabnami Hai Hoonth Uske

Uske Hoothon Ka Diwaane Ko Ras Paan Kara Do

Maan Jao Mere Dost Mere Pyaar Ke Dushmanon

Ab To Kar Lo Sharm Battiyan Bujha Do

: Rahul soni “Rahi”

 

Bhula dete hai wo hamko   :- Rahi

Bhula Dete Hai Wo Ham Ko , Fakat Itne Bahane Se
Ke Unke Aansu Girty Hai , Hamari Yaad Aane Se  

Ke Rota Hai Dil Unka Bhi , Magar Kuch Keh Nahi Pate
Kya Hoga Hasil , Itna Dilon Ko Aajmane Se

Ke Ham Ko Ilm Na Raha , Ye Aashiqi Ka Tha Jonon
Bhul Jate Hai Sabkuch Ham , Unki Yaad Aane Se

Koi Kehta Hai Majnon Hamen , Koi Kehta Hai Diwana
Bhatak Rahe Hai Ham Dur Apne Aashiyane Se

Ke Mai Mandir Gaya , Masjid Gaya , Mangi Yahi Dua
Mila De Ye Jahan Ham Ko Kisi Bhi Ek Bahane Se

Ye Rahen Hai Kuch Anjani Ki Manjil Bhi Hai Begani
Ke "Rahi" Mit Gaya Hai Apney Hi Ek Fasane Se

Ke Kaise Dikhlaon Tujhe , Aur Kis Bahane Se
Jo Rota Hai Har Ek Manjar Mere Aansu  Bahane Se

: Rahul soni “Rahi”

Shabdon ka ishtehaar hu mai   :- Rahi

Badal Dun Roop Mitti Ka Aisa Kalaskar Hu Mai
Tere Husn Ka Aisa Talabgaar Hu Mai

Nahi Hai Koi Khwaish Ab Mujhe E-Sanam Siwa Tere
Tere Pyaar Ko Pane Ki Chahat Me Bekarar Hu Mai

Uthi Haai Aaj Sine Me Ek *Kasak*...Dil Ki
Tere Sath Me Jine Ka Intajaar Hu Mai

Nahi Hu Mai Koi Kal Bita Hua Tera
Tera Aaj Hu Abhi Hu Dildar Hu Mai

Bhut Suna Hai Maine Giton Ko Gaty Hue Sab Ko
Teri Koyal Si Boli Ka Diwana Har Baar Hu Mai

Mere Ishk Ka Parwaaz Kuch Is Kadar Hua
Tanhai Me Baitha Akela Bejaar Hu Mai

Tujhe Pane Ki Meri Ab Tammanna Hai Is Kadar
Tere Pyaar Ke Shabdon Ka Ishtehar Hu Mai


Meri Manjil Bhi Tu Hai Meri Duniya Bhi Tu Hai
Mai Hu "Rahi" Tera , Tera Panahgaar Hu Mai

: Rahul soni “Rahi”

Dil-e-haal de de  :- Rahi

E- Ishq Tu Aisa Mere Sanam Ko Jamal De De
Nikhar Jaye Roop Uska Aisa Kamaal De De

Ek Mud.Dat Se Uske Waar Ko Tadap Raha Hu Mai
Jo Dhas Jaye Sine Me Aisa Teer Bemisal De De

Kahin Baitha Hai Wo Chhup Kar Bada Udas Hu Mai
Tu Ja! Jakar Use Mera Dil-E-Haal De De

Rahe Roshan Sada Mahfil Uske Surile Giton Se
Tu Har Shaam Uske Suron Me Navtaal De De

Rahe Wo Muskurati Sada Na Gam Ki Parchai Ho
Bhale Hisse Me Mere Tu Dukhon Ka Zanjaal De De

: Rahul soni “Rahi”

Mai tare tod laonga  :- Rahi

Milonga Jab Kahin Mai Tujhe Juda Na Ho Paonga
Na Sudh Hogi Tujhe Teri Mai Itna Sataonga

Jis Raah Pe Ham Dono Chalengy Us Raah Ki Kasam
Beet Jayegi Umar Meri Tera Mai Sath Aise Nibhaonga

Na Khona Tu Kabhi Mujhe Meri Chahat Hi Tu Hai
Tujhe Dunga Mai Behad Pyaar ,Ruthega To Manaonga

Na Kar Khuda Mujh Ko Tu Mera Khuda Banja
Karonga Mai Tere Sadke, Teri Ibadat Me Sar Jhukaonga

Umar Itni Ho Teri Sehar Pe Sehar Gujar Jaye
Tere Ek Aansu Jo Gir Jaye Khuda Se Mai Lad Jaonga

Mai Hu "Rahi" Dewana , Meri Manjil Sir Tu Hai
Teri Ek Hansi Ke Liye E-Sanam ,Mai Tare Tod Laonga

: Rahul soni “Rahi”

Kasak dil ki  :- Rahi

Kyon Khamosh Hai Aaj Ek Kasak Dil Ki
Kahin Chup Kar Baithi Hai Ek Kasak Dil Ki

Kabhi Na Chup Rehna Janti Hai Wo Hai Badboli
Aaj Sahmi Si Sakuchai Si Hai Ek Kasak Dil Ki

Na Jane Koun Hai Wo , Kahan Ka Hai Wo Sahjada
Ke Jiske Pyaar Me Tadapti Hai Ek Kasak Dil Ki

Kabhi Mil Jaye Wo Mujhko To Bata Dunga Use B Mai
Ke Kitni Bholi Hai Masum Hai Ek Kasak Dil Ki

Use Jab Naaz Hoga Sar Jhuka Dega Wo Sanam Par
Ke Phir Chhod Kar Gussa Lipat Jayegi Ek Kasak Dil Ki

Nahi Pahunche Use Kabhi Bhi Ko Dard Ki Tasveeren
Badi Kamjor Hai Dil Se Kahin Ek Kasak Dil Ki  

: Rahul soni “Rahi”

Pyaar se jina sikhaonga  :- Rahi

Na Kar Fikar Ai Mere Hamsafar Mai Wapas Aaonga
Dekar Har Khushi Tujhko Mai Mahfil Sajaonga

Jo Rutha Hai Har Lamha Tujhse Aaj Is Kadar
Mita Kar Har Kasak Teri Mai Tujhe Hansaonga

Ke Dekar Lahu Dil Ka Teri Maang Ko Mai
Teri Har Subah Har Sham Ko Rageen Banaonga

Na Ho Ruswa Tu In Ruswaiyon Ke Sahare
Mai Tujhe Pyaar Se Jina Sikhaonga

Tere Is Pyaar Ne Hi To Hai Mujhe Iskadar Badla
Tere Har Dard Ko Lekar Tujhe Apna Banaonga

Tere Chehre Pe Dekhon Jo Mai Ek Gam Ki Lakeeren
Ke Ro Longa Mai Khush Hoke Tere Gam Ko Churaonga

Kabhi Jo Dur Tu Ho Jaye To Jindagi Nasur Ban Jaye
Terei Judai Ke Dard Se Mai Jite Ji Mar Jaonga

: Rahul soni “Rahi”